Kisii, KENYA

Omochakano 4:3-7 – Engaki-egaika Kaini akarenta okwama komogondo kobe ekeegwa ase omonene, Abeli nere akarenta chimanwa chintang’ani chinoru korwa ase riicho riaye.  Na omonene agaanchera ekeegwa gia Abeli.  Korende tancherete kaini nekeegwa kiaye, ase ayio kaini akagechigwa na obosio bwaye bokaonchoka bokairura na omonene akamoboria  kaini naseki okoba nendamwamu na obosio bwao bwairurire?

Naki amang’ana aya nigo agotoorokia omogwekano omuya ase okorwa ekeegwa gose ekeng’wansogiaito gochia ase omonene Nyasae.

Naki nyuma ekeegwa getararwegwa omonene nigo akobeka boronge bwaye, na oteba ee nancheranire nekeegwa ekio gose eke korende tari ekio, naki chingaki chinde omonene Nyasae nigo agokana ebing’wanso biaito asengencho tokorwa ase enchera yobosiereria.  Naki nyasae nigo akobeka boronge kende gionsi keria gekorwegwa gochia ase are.

continue

Kisii, KENYA

Yuda 1:4 - naki mbare abanto besoirie bobisi, abwe barikeretwe kare okgambigwako, abanto batari nechingencho chi’obonyasae, Barabwo nigo bagoonchorana obuya bwa Nyasae oito ase okbiserera ogokora kwabo kw’obonyaka naende bagokana omonene oito ore bweka, yore omonene oito Yeso kristo.

Naki abegenwa abange abamatuko aya nigo barigetie korora omroberio bw’okobokigwa gw’enchili okwo abanto abange bagoonchorwa na koba abainjilist.  Naki ase ebitabu ebinge biarikirwe nigo bikoorokia aya, naki amariko a Nyasae amachenu nig akoorokia obomaene bwensi ng’a chingaki nchireo korachekoba ogoonchoreria okonene ase enjli na ase ogokora egasi kw’omoika omochenu ime ase ekanisa eria ere ang’e ase okomoigwera ere kristo Yeso nyuma yokobogorigwa gw’Ekanisa enchenu ya Nyasae.

continue

Kisii, KENYA

ESTHER 8:8

Gaki inwe rika rirube ase abayahudi, moribeke erieta riane inche omoruoti, morike buna morarore moribeke ekemanyererio ki’ebonyi yane, ekiagera rirube rinde rionsi ririkire na kobekwa erieta riomoruoti amo nekemanyererio keibonyi yaye onde tari orarioonchore.

Naki ogwancherwa oko kwabene nigo gokororekana koba okogeni ase abange baito, Korende Esteri nigo agokwana gochia ime mono ase enchera yokomanya okonene gwa kemoika okwo korengete ogotoreka gwaito, na kore amo noboronge bw’aNyasae, na boichire nobonge bw’amaabera aye.  Naki oboronge bw’amachiko a’Nyasae nigo bore obwa kare nakare obwo boatri goonchoka, korende nabatebirie ekeene, goika igoro na ense mbiete, korende ring’ana ria’Nyasae tirigoeta nonya nekemoa kienuguta eyemo tegegoeta bosa, korende goika bionsi biikerane.

Mathayo 5:18 naboigo Zaburi 119:160.  Naki oboronge bw’amachiko nobogima bwa kare na kare naboigo na oboronge bwaye, noboikeranu ase ere omonyene, naboigo takonyara goonchoka ekiatorierete omwando oye, gose takora goikerania oboronge bwaye.

continue

Kisii, KENYA

ENDAMWAMU Y’OMOGAMBI EKAIRANA INSE

Esteri 7:9-10 Haribona oyomo bw’abasomba  abaare gokorera omoruoti akabora rora” orobambo  rore rwobotambe bwamaboko  emerongo etano , roria Hamani asimiseretie moredekai oyo ogotooretie aye omoruoti , nao rore ang’e nenyomba ya Hamani. Agwo omoruoti agachika “Gachie motonge Hamani ase orobambo roria igoro”

Naki amang’ana agendererete kobao ase egetabu eke gia Esteri nayekeene, naki ayio naro aragenderere kobao ekiagera naro oka akororekana ase amaiso aito akemwanyabanto, korende naboigo ayande nareo akororekana ase amaiso aito akemoika, ayio abisekanete korwa ase amaiso aito akemwanyabanto.

Naki ayio naro akogera ebinto bibere bigendererete gokorekana ime ase egetabu gia’Esteri, naki ime abwo amarube abere nareo aya Haribona’ naboigo na amaborio abere a ‘Esteri, naboigo amarube abere naende korwa ase Moredekai. Naki ayio naro agerete getabu eke kegiakwanera igoro ya Omonene Nyasae, nebe omonene Nyasae re gokwana na koiraneria amaborio abo, naki abanto baria bare aare na Nyasae tebamanyetie amang’ana akoba ang’e ase bare, tebari nokomanya ng’a omonene ngokra are ebikone bire ang’e na ase bare.

continue

Kisii, KENYA

RING’ANA RIANYASAE NIGO RIRE MOYO ASE OGOKORA EGASI

Abaibirania 4:12  naki ring’ana ria nyasae nigo rire moyo nnaende ndire nechinguru , nigo rire nobwoge kobua omoyio obirende ore nobwoge chinsemo ibere, nigo rikobeta ime na gwatanana omoyo na omoika chinengo na emeseto naende ndinyare komanya ebirengererio na okogania bire ime ase enkoro.

Nakii abakristo bekeene na abarandia bekeene mbamanyete buna Ebuku ne’ring’ana ria Nyasae, kera omonto namanyete buna Ebuku nigo eutire amo nomoika omochenu.

2Timotheo 3:16 kera ririko riutire nomoika o’Nyasae nario riranyare gotworokereria, na gotokurera na gotorongeyia na gototang’ana ase oboronge.Naki ayio nigo are mamincha amo nobogima bwaito bwa amatuko aya, ekiagera tetori gokora buna okogania kwa Nyasae kore. Naki abakristo abange nigo bagokagera buna ring’ana eri ria Nyasae negento giechinkaki chiaetire.

continue

2 Samweli 2:7Ase ayio bono motenene bokong’u mobe abaremu. Saulo omonene oino okure, na abayuda bang’akire amaguta imbe omorwoti obo,”

Nigo tobwate okogania okonene komanya igoro ya saulo ekiagera nigo akorete gchia ase aabe, nigo achagete egasi yaye buna intwe twachagetie eyeito, ekero tokorigereria nabo tokorora buna nigo arenge omonto orangeirie na Nyasae, naboigo akanyara gokorera nyasae egasi engiya, goika akanyara konyora ogoakwa amaguta y’Omoika omochenu buna abange baito toakire ase enchera yokomokorera Nyasae.

continue

Abaibirania 10:19-22

Ase ayio abaminto ntore noboremu bw’ogosoa Aase achenu goetera ase amanyinga a Yeso .Ase enchera enyia ere moyo, eye atoigorerete egoetera ase etoto, engencho yaye omobere oye , naende ntore nomokuani omonene igoro ye nyomba ya Nyasae ,ase ayio toike ang’e ne chinkoro chire nekeene , tobe nobomaene oboikeranu ase okwegena ne chinkoro chiaito chianyororokerigwe  oborabu  tichigotogambia , twasibigwe  ase emebere  yaito namache  amaya.

continue

1 Petero 1:8-11 Ere oyomwanchire nonya timomorochi, mwamwegenire nonya timoramorora na igo moragoke ase omogoko otari gotebeka oichire nobonene, ekero moranyore oboikeranu bw’okwegena kwaino, engencho yaye ogotooreka kwe mioyo yaino.

Ogotoreka nokonyora obogima oboyia ime ya yeso na obogima obwo nobwakare na kare  inaki ogotoreka gwaito tikori okwabosa korende nakwo kore ring’ana riagatigati ase kera enchili eyio ekorandigwa ase chikanisa ime. Naboigo EBUKU nigo egokwana na gotosomia buya kegima ng’a ogotoreka oko nigo gokonyorekana ime ya Kristo bweka, tari ime y’Echidini chiaito gose kende gionsi eketogokora.

continue

Estha 7:3-4 Erio Estha akairaneria” Onye nanyorire oboronge obo ase ore, aye Omoruoti, na kerabe boronge ase obosio bwao, ng’a obogima, na oko nakwo ogosaba kwane” na obarorere amaabera abanto b’Egesaku kiane na oko nakwo okoboria kwane.

Inche na abanto bane twaonigwe ase amakweri y’Okonyenywa na gotugutwa isiko,korende onye ntwaonetigwe amo na abakungu na abasacha nanga tenanyakwana aya, korenda nigo narenge koremereria ase omoyo one ime ekiagera eke tekiarenge gento ase obosio bwao na ase omoyo Oo”.

continue

Estha 6:1-3 Ase obotuko obwo omorwoti tanyarete korara, naigo akanyara koboria arenterwe egetabu kia Amang’ana Ebiroekio kiare gokwanera igoro yokogamba kwaye and gosomwa ase are.

Ekero egetabu ekio giasometwe ase are, ekaba erikire buna”Modekai obekire isiko obobisi bwa Bigathana na Tereshi.Imbarengeo abasikari babere a barendi b’Ebiita biomorwoti abwo bataancheranete amang’ana ayio y’Omorwoti Xerxes.” Omorwoti akabora “ngosika ki na ngwancherwa kwa ngencho ki Modekai atanyore ase engecho ya amang’ana aya”

continue