Kisii, KENYA

Soma Esteri 1:1-8 – Naki ase chingaki echio omogambi Ahaswero akaba ase obogambi bwaye ase emiaka emenge, naboigo ase omwaka ogatato ase okogamba kwaye, akaaregania omoyega ase enegencho ya bakori emeremo bay ease obogambi bwaye, naboigo omoyega oyo nigo orange obwabanto bonsi abwe bare Abapasia na abamedia, naboigo nabari bonsi abanene beserekali yabo nao barenge.  Naki ime ase amatuko 180 akarageria abanto endagera enyinge mono kegima ase amasikani amanene na ogwancha okonene asengencho yobuya bwaye.

Korende ekero amatuko aya 180 aerete, omoruoti Ahaswero akabeka naende amatuko atano na abere yendagera yende agwo abanto bare gosoa ase omochie oye na koragera na konywa abake na abanene abwo barenge ime ya Susa.  Naboigo bakanywera ase ebikombe bie chitahabu ebio biarenge ebiengencho ao ao, naboigo na amarwa yechinchera chionsi nao arenge ayio are konywegwa asengencho ya amasikani ya omoruoti.  Naboigo goetera ase ogochika kw’omoruoti kera omonto akanywa buna okogania kwaye kwarenge, ekiagera omoruoti nigo arwete ogochika gochia ase baria abateneneri ba amarwa ng’a kera omonto anywe buna okogania kwaye kore.

Naki egetabu eke gia Esteri nigo kere egiekeene na kegotoorokia igoro ye kanisa enchenu ya Nyasae eyio ere nobobui obonene.  Naboigo na Esteri nere enegnecho yaye nekanisa enchenu ya Nyasae, naboigo Omoruoti nere otenena ase ribaga ria Yeso KRISTO, oyio ore omoruoti bwa abaruoti, oyio naende ore omonyanyangi bw’ekanisa enchenu ya Nyasae.

continue

Kisii, KENYA

Esteri 1:13-14 –  Nigo yarenge engencho y’omoruoti arigie ogosemigwa korwa ase abanto abang’aini bamanyete amachiko, naende bamanyete kogamba ebina, Ase ayio akarangeria abanto abasemia baria bamanyete ebimanyererio biechingaki.  Naboigo abanto anarete koboria botambe nabwo aba: Karisena,  na Setari, Adimata na Tarisisi, Meresi na Marisena, na Memukani, aba batano na babere nigo barenge abagambi korwa ase ense Yaremi na eya Media naende nabwo barenge abanene ase obogambi bwaye.

Naki ase egesieri egetang’ani ase egetabu gia Esteri nigo kegokwanera igor ya baria batano na babere abang’aini, abwo barenge ang’e nomoruoti Ahaswero, naki aba nigo bare omogwekano bwomoika omochenu oyio ogokora egasi ase omobere oyeso kristo (Ekanisa) naki ase ande nareo amariko agokwanera igoro yemeika eria etano ne ebere ya omonene Nyasae” gose ebikoreri bitano na bibere biomoika.  Soma Isaya 11:2 naboigo okomanoka 1:20, naki amarieta atano na abere nigo atenenerete ebikoreri bitano na bibere biomoika ebio bikwaneire ime ase egetabu gia Isaya, naki na amarieta aya nabwate obongencho bwaye, obongencho obwe bogotosomia na gotoira ime mono ase omoika

continue

Kisii, KENYA

Esteri 1:10-11 -

Ase rituko riagatano na kabere riomoyega oyio, omoruoti kanyure Edivai aka nomosasoko ase enkoro yaye.  Ase ayio akarangeria, Mehumani, na Bisita, Haribona na Bigita, Abagita na Setari, na Karikasi abasmba baye batano na ababere abagombaetigwe, abwo barenge komokorera ase enyomba yaye.

Naki omoruoti akarwa ogochika gochia ase abakoreri baye abwo bakwanire aiga igoro, ng’a bamorente omokungu Vasti ore ase ogwesoka okuya na obegete esosia yaye y’obokungu na obonene bwaye erio ache kogokia abanto bonsi abare ase omoyega oyio, ekiagera ere arenge omonyakieni.

continue

Kisii, KENYA

Esteri 8:11  amarube ayio agatebereria ang’a omoruoti orure ribaga ase Abayahudi ba kera omochie bache amo, erinde beegere abanyene.  Baegwe ribaga boigo goita abarwani bande bonsi ba kera egesaku bare gocha kobarwania, baite na abana babo  na abakungu babo boigo basakore chinibo chiabo.

Naki omogano oyo nigo ore obwengencho enene mono ekero tokonyosoma, nigo ogoteba buna nonya nomoruoti akamanya emeroberio yarengeo yogoita abayahudi bosni  eyio konya Hamani arobeirie, na kende tekiarengeo kiare gocha gotanga aya gotaba.

Korende Esteri na Moredekai bakanyara komosemia omoruoti erio anyare korwa richiko riogotanga kw’ogoitwa kwa abayahudi erio banyare kwerwanerera korwa ase ababisa babo.

continue

Kisii, KENYA

Esteri 4:14  - Naki onye aye kogokira –kiri kegima ase engaki eye, ogokoonywa na ogotoreka nigo korache ase abayahudi korwa ensemo ende, korende aye amo na abanto benyomba ya iso mosirigwe. Ande nigo omamnyete gose nase engencho yeng’aki buna eye kwan\beire enting’ana y’omoruoti.”

Esteri nigo are omogwekano omuya igoro yokorandia gwekanisa enchenu ya Nyasae, erio ere Yeso Kristo, naki goetera ase omogano oye ,Omonene Nyasae otoorokirie buna inaki ekanisa enchenu yeye etakeire koba, na buna intwe abakristo bekanisa enchenu ya Nyasae, naintwe boigo ntotakeire gokora buna are gokora ase obogima bwaito.

continue

Kisii, KENYA

Esiteri 1:12 - Abasomba baria b’omoruoti bakairera Vasti amang’ana ayio , korende ere akaanga koigwera ogochika kw’omoruoti, Ayio akagera omoruoti akaba nendamwamu enene mono yarenge gwoka ime yaye buna omorero

Naki omogano bwa Esiteri nigo ore ara kabere igoro yabakungu babare, abwe bonsi bare abakungu b,Omoruoti  Xerxesi oyio okorokwa naende ase erieta rinde Ahauerasi” Naki omokungu oye omonene nigo are korokwa Vashiti na Omokungu okabere nere Esiteri” naki omoruoti Xerxesi nigo abete okogamba ase oboruoti bwensi bwense enigma ase chingaki echio, naboigo na amariko nigo arure emegwekano ebere ase okoerera igoro yekanisa eng’egenwa na ekanisa etari eng’egenwa.

continue

Kisii, KENYA

Esteri 3:2-5 -  Omoruoti akarwa ogochika ng’a abasomba baye bonsi barenge kobeera ase egeita kiaye batugame bosio bwa Hamani ase okomosasima Bonsi bagakora bo, otatiga Moredekai.

Erio abasomba bande b’omoruoti abarenge kobeera agwo ase egeita bakaboria Moredekai, Inee ! naseki kwangire ogochika kw’omoruoti?Bakaba bagokwana nere rituko ase rituko, ng’a aigwere ogochika koria, korende tabete ogotegerera amang’ana abo.  Ere nigo abatebetie ng’a n’Omoyahudi are ase ayio abasomba baria bagatebia Hamani, erinde barore gose amang’ana a Moredekai nancherwe.  Hamani akaba nendamwamu enene mono ekero aroche ng’a Moredekai tarenge gotugama ase okomosasima.

Esiteri nakio egetabu gioka ime ase Ebuku getakwaneretie igoro ya Nyasae, korende neba naboigo Omonene Nyasae nakwaneire ase ake ime yaroro, naki ase okweng’ata na ogosaba naboigo na okoiranerigwa kwa amasabo ase enchera y’ekebikone, nero ekwanerete ase aeng’e igoro ya Nyasae.  Naki Esiteri na omoamate oye Moredekai nigo barenge abanto bogosaba na bamomanyete Nyasae.  Korende nebaboigo egetabu eke gionsi tigekwaneretie igoro ya Nyasae ase ande onsi.  Naki egekiagerete nekeria buna nigo kiare gokwanera igoro yegento ekemo gioka ekio kere etabia yomonto, na mono eyio ya Hamani na Moredekai.

continue

Kisii, KENYA

Ororeria Rwa Hamani Na Moderekai Ime Ase Egetabu Gia’esiteri

Esiteri 3:1 Hamani ogokora omoroberio bw’ogoita abayahudi

Nyuma ya amang’ana ayio omoruoti ahaswero agakinia Hamani mosinto, o Hamedata omoagagi akamoa obonene kobua abanene bande bosni abarenge amo nere.

Hamani oyio ore omogagiti, nigo arenge omobisa omonene bwa abanto b’Omonene Nyasae ime ase egetabu gia Esiteri, oyo ande nere orenge korwa ase ororeria rwa Agagi orwe rwa Abameliki oyio orenge omoruoti chingaki echimo. Naki abaibirania bechingaki chiaetire nigo  bamomanyete ere na Agagi buna abanto abamo na korika omogano obo ime y’Egetabu gia 1 Samweli 15.

continue

Kisii, KENYA

OMOCHAKANO NA OGOKINA GWA ESITERI

Esiteri 2:7 Moredekai natugete omoiseke oyomo omwana o ise moke, omoiseke oyio nigo arenge korokwa Hadasa na erieta rinde, n’Esteri  nigo abwate omobere omuya naende nigo arenge omonyakieni mono  ekero abaibori baye bonsi bakwete, moredekai akaba okomotuga buna omwana oye.

Esteri omokungu bw’omoruoti Xerxes oyio orenge omoruoti bw’abaabasia, nigo are omogwekano omuya bwogocha kw’omwana omwanyabanto, naki enyangi gose omoyega o’Yeso kjristo nekanisa eng’egenwa. Soma Abaefeso 5:25-27 na okomanoka 21:2, 21:9,22:17.

continue

Kisii, KENYA

ESITERI 2 OKWEAREGANIA GWA ESITERI ASE OMOYEGA BW’ENYANGI YAYE.

Esiteri 2:15-18 ekero engaki yokogenda ase omoruoti yaigete ase Esiteri, oyio orenge omoiseke bw’Abihaili, ise moke moderekai, oyio omotugete buna omwana oye, taboretie gento kende koirana otatiga ebi Hegai, omosomba bw’omoruoti, oria otenenerete abaiseke baria, amosemetie. Bono Esiteri nigo agwenerete abanto bonsi bare komorora.

Ase ayio omwaka o gatano nakabere bw’okogamba kw;omoruoti Ahaswero, omotienyi oikomi okorokwa tebeti Esiteri akarentwa ase omoruoti, agwo ase enyomba yaye y’oboruoti. Omoruoti akaba ogwancha Esiteri kobua abakungu bande bonsi, Esiteri akamogwenera akanyora obuya, kobua abaiseke bande bonsi abekungi, omoruoti akamobekera egutwa yaye y’oboruoti ase omotwe oye akamobeka akaba eting’ana ase ribaga ria Vasiti.omoruoti agakorera esiteri omoyega omonene bwa amasikani, akarangeria abanene bonsi bobogambi na abasomba baye aroro Boigo akarareria abanto bakeanerigwe ebango ase ense yaye, naende akarua ebiegwa ebinge buna omoruoti agwenerete akore

Esiteri akaoroka ase rituko ritang’ani bosio bw’omoruoti bw’abapasia na bioonsi ebi, Hegai amosemetie nyuma yenyangi yaye. Naki ogosemia oko nigo gokomoatanana korwa ase abakungu bande, soma Esiteri 2: 13 naki ritunda riekanisa enchenu ya Nyasae neriria buna tori koganya otebugwe iga gose iga omanye gokora, korende onsi nigo okonyhakora nobong’aini. Naboigo aya nigo agotoorokia abange baito bakweroka abakristo, korende bakobwatia amang’ana abo ayomobere.

continue