SI ESTER UG VASTI – Ester 1:12 - (Esther and Vashti – Esther 1:12)

Ester 1:12 -…” Ug sa paghatud sa mga sinugo sa hangyo sa hari kang rayna Vasti, siya midumili. Tungod niini napungot pag-ayo ang hari…”

Ang libro ni Ester nagtanyag sa kalahian sa duha ka babaye, diin mga asawa sa emperador Xerxes (gitawag Ahasuero sa laing hubad). Rayna Vasti ang una si Ester ang ikaduha. Si hari Xerxes nagdumala sa lalawigan sa Persia, ang pinakadaku nga gingharian sa kalibutan sa unang panahon. Ang Biblia nagpasundayag sa duha ka pangasaw-onon paghatag sa hulad sa dili matinud-anon ug matinud-anon nga Iglesia. Ang matinud-anon nga Iglesia mao ang pangasaw-onon ni Cristo, ang Hari sa mga hari ug Ginoo sa kaginoohan (Efeso 5:25-27). Daghan sugilanon sa Biblia diin ang duha ka babaye magkalahi pag hulagway sa matinud-anon nga Iglesia (ang pangasaw-onon ni Cristo) ug ang dili matinud-anon (tinukod nga Cristiasnismo. Si Sara ug Hagar, Hana ug Pinina, Abigil ug Mikal, Maria ug Marta. Silang tanan nagtuglo ug bililhong pagtulon-an mahitungod sa kalahian taliwala sa matinud-anon ug dili matinud-anon nga Iglesia gikan sa laraw sa Dios.

Si Rayna Vasti naghulagway sa dili matinud-anon nga Iglesia, tinukod nga Cristianismo. Siya sa dayg midumili sa pagduol sa hari sa dihang gipatawag siya. kini insulto alang sa hari ug hulga sa pagsalikway sa kagamhanan ug kahimtang sa katilingban. Sa samamng panahon, si Vasti maanyag kaayo, mapagarbuhon ang hari kaniya ug gusto siya ipakita  sa mga bisita sa hari, amo nga gipatawag siya.

Ang dili matinud-anon nga Iglesia naglangkob sa mga cristohanon nga adunay pagkadugtong kang Jesus, apan nagpadayon sa ilang kaugaligong buluhaton, pagtuman sa ilang kasaulugan, ug dili moduol sa hari (Jesus) inig tawag niya. Bisan pa gani ang dili matinud-anon nga Iglesia wala makulangi sa maayong kinaiya (sama sa kaanyag ni Vasti). Ang patay nga Cristianismo duna pa gihapon dagko nga mga simbahan, dagko nga tigum sa katawhan, mga bansay nga mga magtutugtog, ug hinasasan nga tigpamulong. Apan niining tanan, ang hari ngatawag kanato sa usa ka panahon sa usa ka mga adlaw nga-awhag sa Iglesia sa sayong buntag nga mga pag-ampo, o pinasahi nga panahon sa pagsangyaw. Ang dili matinud-anon nga Iglesia dili ganahan muduol inig tawag sa hari, apan sa iyang gusto nagpakita ug pagsalig sa iyang kaugalingon nga mga tinguha pagkupot sa harianong dapit. Ang dili matinud-anon nga Cristohanon wala gani sa huna-huna nga ania sila pag-alagad sa hari (Jesus), ug pagbuhat sa tanan niyang tinguha.

Rayna vasti nawaala kaniya ang poder ug ang gingharian nangita ug kapuli niya. Si Ester usa ka Judeo nga giatiman sa iyang hingkod nga ig-agaw si Mordicai midani sa pabor sa tanan nga nakakita kaniya. Si Ester dili harianon sa kaliwat. matinud-anon siya kang Mordicai, ug naminaw sa mga tambag sa tanang kahimtang.

Si Ester hulagway sa matinud-anong Iglesia. Siya misugot sa hari ug kang Mordicai, nakapahimuot siya sa hari. Nga sa kaulahian siya mapuslanon pagpahinabo sa dakong buhat sa pagluwas sa napulo ug gatusan ka mga katawhan.

Sukwahi kang Ryana Vasti, dili lamang si Ester moduol sa hari ug ipatawag, siya nagtinguha nga maanaa sa presinsya sa hari kanunay.(tan-awa Ester 5). Kini nagpakita sa paagi ang matinud-anong Iglesia nangandoy nga maanaa kanunay sa presinsya sa tanang kahigayonan. Si Ester bisan pa nagpuasa aron siya dawaton sulod sa dapit sa hari (Ester 4:16). Sama usab ang matinud-anon nga Iglesia nagapuasa aron permi siya sa presinsya sa Ginoo, pag kaplag sa pabor sa iyang mga hangyo. Sa uang higayon sa iyang pag-atubang sa hari, si Rayna Ester migamit lamang sa mga dayan-dayan ug mga pampaanyag gigahin alang kaniya, dili sama sa ubang kababayen-an (Ester 2). Usa sa kinaiya sa matinud-anong Iglesia mubuhat lamang unsay gipadayag sa Dioskaniya. Ang sukwahi, daghan ang nagtawag Cristohanon apan nagsugod sa ilang kaugalingong huna-huna, ug nag gukod sa mga idiya nga morag maayo ug kasagaran. Kinahanghlan gayod mutuon kita pagsunod sa Ginoo ug sa iyang kabubot-on ug wala na’y lain.

NAGPALUYO NGA NOTA: Kasagaran sa kaminyo-on wala sila sa orihinal nga plano sa Dios (Malaquias 2:15) sa tawo, sa kanhing panahon ang mga hari nagbaton ug daghang asawa. Ang hari nagkinahanglan nga adunay laki nga liwat aron tig panunod sa gingharian human kaniya. Pananglit usa ka lalaking anak dili maka abot sa hustong panuigon daghang mga anak gikinahanglan pa. Kon walay sumusunod sa kaliwat sa hari, dako ang higayon sa iyang opisyal sa korte, o heneral sa kasundalohan, pagpatay sa hari, tungod kay walay klarong sumusunod sa trono, ug mahitabo ang politikanhong kaguliyang ug maghatag ug panahon sa mamumuno pagsakmit sa gahum. Mao nga daghan anak lalake mohatag kalig-on sa gingharian ug malikayan ang pagbatok. Ang daghang asawa paagi pagsiguro  sa dgahang sumusunod. Apan ang Dios wala magtudlo sa sugilanon ni Ester paghatag ug katarungan o pagtugot pagminyo ug daghan alang sa mga katawhan niining mga adlawa.

Translated from Esther and Vashti – Esther 1:12