Colosas 1:6 – “Sa tibook kalibutan ang evangelio mabungahon ug milambo, maingon man usab diha kaninyo sukad sa mga adlaw nga inyong nasabtan ang gracia sa Dios sa tibook kamatuoran. “

Ang unang duha ka kaliwatan sa mga cristohanon nakahimo ug kahibulongan nga buhat, ilang gisangyaw ang evangelio sa tibook kalibutan.  Sa tuig 100 A.  D.  dunay grupo gikan Espanya sa kasadpan paingon sa utlanan sa China sa silangan.  Bisan wala pa’y dato nga cristohanon sama sa nasud sa America nga miabaga sa ministeryo o paningkamot pagtabang salapianon.  Wala sila’y Micropon, walay Speakers, walay Keyboard, walay printing press, walay Biblia, walay Bible Colleges, walay simbahan.  Apan kusog silang mitubo, ikumpara sa atong kapanahunan karon.  Ang pag-ampo pinakaunang rason.  Ang ilang mga sakop mainampuon labaw sa atong mga sakop karon. Ang pag-ampo importnate  sa pagtabang sa balaang espiritu ug ang bunga sa bag-ong mga kalag  kaluwasan (Buhat1:14; Buhat 2:42; Buhat 4:24; Buhat 6:4; Buhat 14:23).

Ania ato tagdon ang dose ka mga rason.

1.  Gusto sa Dios ang pagtubo.  Ang Dios mahimuot ug gusto nga modaghan ang Iglesia.  Daghan sa mga ministeryo karon gusto modaghan, apan pakyas pagpangutana sa kaugalingon kon kini makaayo ba sa proyekto sa Dios kon iyang buhaton.  Ngano nga pauswagon sa Dios ang Iglesia nga wala siya’y kahimuot diin ang pastor nangalagad  lamang para sa kaugalingon?

Wala sila nagsalig sa tabang gikan laing nasud, sound systems, Building Biblia para sa tanan, pagpakaon sa tanang kabus, uban pa.  Sila nakat on pagbuhat bisan wala’y gisaligan gawas lamang sa kamot sa Dios, ug sa Pulong.  Kon unsa kadako ang mahimo sa pagsagop sa maong pagnhunahuna – ang abilidad paghimong epiktibo walay kagamitan, walay mga lawak, uban pa.  Kini nga panghunahuna makapausab sa Iglesia sa mga nasud.

2.  Wala’y tawo o katawhan nga magdumala nga molabaw, ang Balaang Espiritu lamang. Ang mga apostoles sa Jerusalem wala’y labot sa nanghitabo sa bisan diin nga kaiglesiahanan, bisan pa usahay magpadala sila’g sulat sama sa mga sulat diha sa Bag-ong Tugon.  Ang wala mausa nga panghunahuna nagpasabot nga wala’y palisiya sa kinatibuk-an – wala’y tawong maakop-akopon maghari-hari sa mga cristohanon ug mga Iglesia.  Sa laing bahin, ang kakulang sa pagkausa malisod pagsumpo sa sayop nga pagtulon-an, apan masayon pagsanta sa mga paghunong sa mga Iglesia, tungod kay bisan lalake o kalaken-an  mobuot sa Iglesia modangat kini sa espirituhanong paghunong.  (Bisan pa ang tagdumala padayon ingon nga sila dinihugan sa Dios).

Sa kadaghanan nga kalihukan o kahupnganan sa mga Iglesia karon, tapos ang 40 ka tuig ang pamaagi sa pag institutionalization miabot.  Sila nagsugod pagtukod ug eskwelahan ug mga semenaryo, ngaplastar sa ilang mga libro, doctrina, ug mga alawiton.  Sila naghisgot sa mga melagro sa unang mga panahon sa dihang bag-o pa ang kapunongan, labot sa mga magtutukod nga dinihugan.  Usa lang ang nagkupot sa salapi, ug tag-iya sa mga propidad, ug nagtugot pagtanum ug laing mga grupo sa bag-ong dapit.  Ang kaliwatan sa mga magtutukod nakigbisog aron ang Espiritu  santo mobuot sa tanang butang.  Sukwahi sa misunod nga kaliwatan nakigbisog aron mopabilin ang ilang pagbulot-an sa dako nga organisasyon.

3.  Ang mga sakop sa unang Iglesia mga deboto kang Cristo ug nagkinabuhi nga Diosnon. Sila dili sa ngalan lamang sa kulturang Cristohanon.  Ang paglutos naghatag ug usa ka kaayohan – nagpugong sa mga maduhaduhaon pag-apil sa Iglesia.  Ang mga katawhan maghjimo ug pagpili pagsunod ni Cristo, nagkinahanglan sa hingpit nga kapaingnan sa kinabuhi.  Ang ilang kinabuhi ug pagtugyan ug pamatuod, naghatag ug kalig-on sa mensahe.  Ang mga sakop wala moduol sa Iglesia ingon nga paagi sa materyal nga panalangin.

4.  Wala’y Kultura o kagawian nga nalambigit sa Evangelio. Si Pablo ug kaubanan naghimo sa Cristyanismo “Dili Judeo” sa dinalian aron ang mga katawhan sa laing kultura dili na magdawat satawhanong kultura sa diha nga sila moalagad ni Jesu-Cristo.  Ang tanan sa lokal nga sinultihan.  Sila midumili sa pagsunod sa mga Judeo mga linaing adlaw, kabilin-biling, pagkaon (mga pagdumili).  Si Pablo ug kaubanan sa hingpit misalikway sa mga gawi sa mga Judeo ug mga pagtulon-an sama sa pagtuli sa mga bata, ug uban pa.  Han-ay sa pagminyo, eskwela, semana sa trabaho, otoridad sa katilingban, politika, pamisti, walay talamdan sa pagpili sa pangulo gikan sa Israel sila magtubo.  Wala sila magamit sa Hebreo o aramaic sa ilang mga Iglesia gawas sa Israel.  Kini naghimp sa Evangelio paglapnag nga “walay sagabal” (Buhat 28:31).  Ilang gigamit ang yano nga sinultihan sa ilang panahon – Grego ug Latin – kasagaran gilitok ingon nga ikaduhang sinultihan.  Ang paghubad sa mga pagtulon-an sa lokal nga linguahe delikado ug di makatabang sa paglambo.

5.  Ang Espiritu Santo mogiya sa tanang butang. Dili ingon karon, ang unang Iglesia ila gayod gitugyan sa Ginoo ug musonod sa ipakita ug ipadayag, kaysa pagsunod sa ilang mga pamaagi, pagpili, sugyot ug nabatasang kultura, ug uban pa.  (Buhat 1:2; Buhat 15:28).

6.  Ang mga Iglesia naglihok sa gagma’yng grupo o Iglesia sa balay ingon nga patukoranan, ug naghimo sa dako nga tigum kong gikinahanglan. Kini nagpakita sa katilingbanon sa unang Iglesia, nagtabang pagpakaylap sa ecangelio sa pamilya, ug mga silinganan, walay gasto, mokunhod ang politika sa Iglesia, ug malikayan ang paglutos sa ilang kagamay ug pribadong tigum.  Sila namuhat ingon nga lawas, dili lamang relihiyon, o negosyo.  (Buhat 2:2;Buhat 5:42; Buhat 8:3; Buhat 12:12; Buhat 16:15; Buhat 18;7; Buhat 20:20; Roma 16:5; I Corinto 16:19; Colosas 4:15; Pilimon 1:2).

7.  Ang mga maayong magbubuhat moadto sa mga dapit nga wala pa maabot, kay sa pagtigi sa dapit diin aduna na’y mga Iglesia. (2 Corinto 10:16).  Karon daghan gusto molihok sa usa ka dako nga ministeryo sa ilang syudad.  Kay sa pagdala sa Evangelio ngadto sa mga dapit nga wala pa’y Iglesia.

8.  Ang pinkaaktibo nga magbubuhat nagsuporta sa ilang kaugalingon salapi kay sa pagsalig sa Iglesia.  (Buhat 20:33-35: 1Corinto 4:12; 1 Corinto 9:6-18; 2 Corinto 11:7; Efeso 4:28; 1 Thesalonica 2:9; 2 Thesalonica 3:8-10).  Ingon man, ang mga apostoles ang ilang mga abot gikan sa pagpamuhat gibilin sa Jerusalem ug wala maka pauswag sa pagkaylap sa Cristyanismo – kadtong mauswagon nagtrabaho sa gawas pagtabang sa ilang kaugalingon.  Nagkahulogan ang bag-ong Iglesia walay ikagasto, walay dinaliang panginahanglan.

9.  Dili sila matandog sa nasudnong politika, Building project, Hospitals, Crusada, eskwelahan, ug mga semenaryo. (2 Timoteo 2:4).  Sila nagtumong pagsangyaw sa evangekio ug mgdala ug daghan tawo sa ginagmay’ng grupo sa baly-balay.  Dgahan niini  mga maayo, apan sayp sila kon magdahom nga mao kini ang yawe sa paglambo, apan mga katawhan karon nasayop paghunahuna ingon nga paagi pagsabwag sa evangelio.  Kini usab, kasagaran sakit sa grupo nga mahimong institution, unya mopalong sa tinuod nga kalayo.

10.  Wala sila’y diosdios – sa atong pagsabot ang unang Iglesia walay mga krus, gagmay’ng krus, hulagway ni Jesus ug Maria, rebolto, o maingon-ingon nga butang.  Sila nasayod nga ang tinuod nga pagtuo moabot sa pagpamati, dili sa pagtan-aw sa butang pagpakita sa mga espirituhanong kaburong.  Ang mga rebolto mipatay sa pagtoo sa mga sakop, pag-abli sa pultahan sa demonyo, ug makababag sa lihpk sa Espiritu.  Daghang simbolo ug mga buhat misulod sa cristyanismo gatusan ka tuig milabay, nianang panahona ang pagtubo mihunong.  (tan-awa 1 Corinto 5:10-11; 1 Corinto 6:9; 1 Corinto 10:7-14; Galacia 5:20; 1 Pedro 4:3; 1 Juan 5:21; Pinadayag 22:15).  Mao man usab, kadalo, imoralidad, rebelyon, ug uban pang sala kapuli sa Dios sama sa dios-dios saatong mga kasingkasing (tan-awa Efeso 5:5; Colosas 3:5; 1 Samuel 15:23.

11.  Ang wali dili ” makapadasig” o makapalig-on, wala gipasikad sa pagtulon-an o mga bag-ong huna-huna.  Hinoon ang pagwali hingpit nagatutok sa Biblia (sa maong panahon, Daang Tugon) ingon usab ang tanang pulong  magpunting kang Cristo ug sa iyang buhat sa kaluwasan.  (1 Corinto 1:17-23; 1 Corinto 15:14).

12.  Hibaloi walay dakong Iglesia sa panahon sa mga Apostoles – hapit tanan Iglesia sa bag-ong Tugon nagtigum sa balay, uban sa duha o tulo ka kagawasan.  Ang unang Iglesia kusog mitubo sa sukdanan karon, apan ang pagtubo resulta sa pagsangyaw kay sa pagtigum sa dinagkong pundok sa katawhan.  Kita mitoo nga ang tinaguan sa pagtubo sa unang Iglesia magamit guhapon karon ni bisan kinsa nga musogot.

Translated from Why Did the Early Church Grow? – Colossians 1:6 (part 1)

And  Why Did the Early Church Grow? – Colossians 1:6 (part 2)