Kisii, KENYA

Omochakano 4:3-7 – Engaki-egaika Kaini akarenta okwama komogondo kobe ekeegwa ase omonene, Abeli nere akarenta chimanwa chintang’ani chinoru korwa ase riicho riaye.  Na omonene agaanchera ekeegwa gia Abeli.  Korende tancherete kaini nekeegwa kiaye, ase ayio kaini akagechigwa na obosio bwaye bokaonchoka bokairura na omonene akamoboria  kaini naseki okoba nendamwamu na obosio bwao bwairurire?

Naki amang’ana aya nigo agotoorokia omogwekano omuya ase okorwa ekeegwa gose ekeng’wansogiaito gochia ase omonene Nyasae.

Naki nyuma ekeegwa getararwegwa omonene nigo akobeka boronge bwaye, na oteba ee nancheranire nekeegwa ekio gose eke korende tari ekio, naki chingaki chinde omonene Nyasae nigo agokana ebing’wanso biaito asengencho tokorwa ase enchera yobosiereria.  Naki nyasae nigo akobeka boronge kende gionsi keria gekorwegwa gochia ase are.

Ase amatuko aya abanto abange bamanyire buna omonene Nyasae nigo agwancherana kera egento na ekeegwa omonto akorenta ase obosio bwaye, asengencho bikorentwa ase ebirengererio ebiya.  Naki oko nokorengereri kwamwanyabanto na okwegena kwabo gotari okwengencho enene ase ebibabkorwa gochia ase omonene Nyasae.  Naki ase abakristo b’Echidini chinde na bio bionsi bagokora nigo bikorentwa mamincha yokogania kwaye asengencho abanene babo nigo babegete ogochika na ogosomia okobe igoro yokorwa kwebing’wanso biabo.

Naki abande nigo bagoteba buna omonene Nyasae nigo akorigereria okorwa gw’Enkoro 1 Samweli 16:70, Abarumi 12: 1-2 naki omonene nigo akorigereria ime ase enkoro yomonto tari okororekana kwaye gwaisiko korende enkoro yaye.  Naki onye omonene oganirie ensemo gete erwegwe gochia ase are, gose ochikire arwerwe ekeng’wanso gete, naki enkoro eria emwegenete Nyasae tekonyara korwa ekere amamincha yokoboria kwaye, buna twarorire aiga igoro, egento egetang’ani ekero abanto bakomorwera Nyasae ekeng’wanso nigo omnene agochora eki aganetie aegwe, tari omonto okomochorera Omonene.

Korenda igoro ya Kaini na Abeli, naki omonene nabaorogetie abaibori babo eki ere aganetie buna ekeng’wanso korwa ase oboremi na enibo yabo.  Erio akanyara kobaorokia na goita eng’ondi ase ogotuba obogetirianda bwabo.

Omochakano 3:21, naki abamura aba mbabwate ogosemigwa goisaine igoro yokorwa ebing’wanso biabo na enchera bagwenerete kobirenta ase obosio bw’ omonene Nyasae.

Naki kera omomura akarenta ekeng’wanso kiaye korwa ase emeremo yaye are gokora, soma omochakano 3:2  erinde morore enchera mwanyabanto bakorengereria, naki Kaini ere nigo are goatanana ebiare komorwera Omonene Nyasae, tare gokora buna momura omwaba Abeli are gokora ekiagera ere nigo are koa omonene Nyasae ekemorengete korwa ase oboremi bwaye, ebio okonyora kwaye kwarenge ogokong’u  gwokorigamora kobua obotugi bwa Kaini, obwo botaganetie korigamora konde ase okorisia na konyonsia amache, korende ere Kaini akaanga komoa Nyasae eke ekiya korwa ase etugo yaye ere atare na korigamora konde, korende Abeli ere akarwa ekere ekiya ase omonene Nyasae goetera ase okorigamora kwaye.

Naki ase abakristo barero  na abanto bamatuko aya, nigo tokorengereria na korora buna ekeng’wanso gia Abeli nigo kiare ekiya, ekiagera tekiarenge eki’ogoiteria amanyinga na tekiarenge eki’obotugi bw’eching’ondi.  Naki ase ekeng’wanso gia Kaini nigo kiaganetie goiteria amanyinga ayio atarenge nakomocha konde, na ayio atare konyorekana ase inchera ende naende, korende omonene Nyasae agaancherana okorwa kw’ebimeri biamogondo.  Gaki ng’a amang’ana aya ntoigoreiri iga gose? Nabo ere boigo ng’a amang’ana aya akemwanyabanto naremeire na oboronge bwa Nyasae naboigo nagoichorwa na emeroberio ya Kaini.  .

Naki emechando yarenge ase ekeng’wanso gia Kaini neri buna, ekeng’wanso ekio tekiarorekanate ekeronge ase obosio bwa Nyasae, koreng’ana na omoroberio oye bw’ogotoreka.  , naki amariko nigo agototebia buna Yeso Kristo nere eng’ondi yanyenyetwe, naki korwa ase obotngi bwa mwanyabanto na goikera boniga nito tore ime ase omoroberio bwa amanyinga a yeso, ekiagera ere naorogetie aya ase enchera yekemanyererio gochia ase Adamu ekero aitete eng’ondi na korusia risankwa riaye na kobaboyia obogetirianda bwabo asengencho yekebe bakorete.

Omochakano 3:21-24 naki oyo noro orenge omoroberio onyasae ase obogima bwa mwanyabanto bwonsi, naboigo na omogano ore ase Ebuku ime naro ayio oka ogokwanera, korende naki ekero tore ime yomoroberio o’nyasae ase ogokora buna okogania kwaye kore nigo toraegwe egutwa eyio ere ogotoreka gwaito.

Korende naboigo nonya nase chingaki chi’omoerio Omonene Nyasae nachete akabeka okorwegwa kw’ebimeri biamogondo buna ebing’wanso gochia ase are ime ya Israeli

Soma Abalawi 2:16-nigo-egokwanera-gochia-ime mono amo na 6:13-26 korende ebi tebiarenge ebiengencho enene buna ebing’wanso bi’eching’ondi, ekiagera ebi tebiare korusia bibe.  Nigo biarenge buna ekeegwa gose okorwa ase enchera yokoiraneria buna imbuya mono gochia ase omonene.

Ase omochakano 4 naki kaini akaba okorwa ensemo yebiamogondo buna ekeng’wanso gochia ase omonene Nyasae ase ribaga riokorwa eng’ondi, eyio yare gotantania omoroberio omuya o’Nyasae bw’ogotoreka gwaito.

Naki Abeli agakora buna omoroberio O’nyasae orenge korende Kaini agakora mamincha yomoroberio oyio o’Nyasae, Abeli agakora bionsi ase Okwegena na  okorengereria aria onsi Omonene Nyasae abete ogokora nabaibori babo korwa ase amatuko aetire na koyarenta goikera ase omosalaba o’Yeso.

Naki ase okwegena Abeli akamorwera omonene Nyasae ekeng’wanso ekiya kobua momura omwabo Kaini, naki ase okwegena akabarwa koba omonyaboronge, ekero omonene akwanete igoro yokorwa kwaye, naboigo na ase okwegena nagendererete gokwana ase tore neba okwete.  Abaiberania 11:3

Naki ekeng’wanso gekorwegwa ime yomoroberio o’Nyasae nakio gioka kere boronge.

Naki omonene Nyasae nabwate omoroberio bw’ogotoreka gwaito, naki obekire bionsi ebire okogania kwaye ime yobogima bwa mwanyabanto ase ogochia goikerania omoroberio oye.  Na omoroberio oyio noro ore Eng’ondi” naki ogoikerania kwaya nekero ekanisa eraimokigwe gochia igoro  abwe bamwancheranire omonene Yeso.

Korende ngoetera ase amanyinga a’Yeso toranyare komoikera Nyasae, naende kende tekeiyo keratoikie ang’e nere gotatiga ase amanying a’Yeso oka.  .

Buna Abeli arwete ekeng’wanso kiaye kiaboronge ekio kianyorete ogwancherwa ase omonene Nyasae.  naintwe boigo ntotakeire torwe ebing’wanso biaito goetera ase amanyinga a’yeso kristo, nerio tonyare goisanekigwa ime ase okwegena, buna omonene ogokigwe nokorwa gwaito, naboigo nonya nasenchera yogosasima gwaito, ekero togokora boigo ime ya amanyinga a’yeso, naboigo nonya nekero twatwarire ogosemeria  ime y’omoroberio Onyasae, naboigo na ase obogima bwaito.

Ase ogokorera- Naki ntotakeire komogokia omonene oito Nyasae, ntotagete ogosasima gwaito kobe okwengencho enene gochia ase are, naki omonene oorokirie buna goetera ase amanyinga a’yeso naro oka toranyare komoikera, na goetera ase amanyinga ayio ntobwate okwaberwa kw’ebibe biaito, na goetera ase amanyinga ayio twanyara gokorwa keboyia kera chingaki.  Naki nigo togochakia omoroberio oito bw’ogosasima, na ogosaba gwaito ime ya amanyinga a’yeso kristto.  Na ekero togokora nigo tokomanya buna omnene otorentire ime yomoroberio oye oyio ore omuya, erio tonyare konyora ogotoreka gwaito, erio tonyare kpoba ang’e ase okoirwa gw’ekanisa y’Omonene Nyasae.

Korende okorengereria konde ngoreo okwo abeli abete omogwekano bw’omonene Yeso kristo, asengencho amanyete ekeng’wanso ekiya ekio kiamogwenerete omonene Nyasae, naboigo ere agakwa ime ase obuya bwaye na ebing’wanso biaye.

Korende Kaini akanyara koorokia okogechigwa kwaye gochia ase momura omwabo Abeli asengencho yogwancherwa kw’ebimeri biaye biamogondo.  Naboigo na Yeso kristo nere agakwa na goitera amanyinga aye buna ekeng’wanso egechenu getari na komocha konde  ase engencho yaito.  Abaierania 12:23-25 eyio egokwana iga, ng’a Yeso nere omobwatania oito ase ase okobwatana okoyia naboigo ase ogoitera kwa amanyinga aye ayio agokwana amang’ana amaya kobua ayio Abeli”

EBING’WANSO BIA KAINI NA ABELI translated from The Sacrifices of Cain & Abel – Genesis 4:3-7