Kisii, KENYA

Yuda 1:4 - naki mbare abanto besoirie bobisi, abwe barikeretwe kare okgambigwako, abanto batari nechingencho chi’obonyasae, Barabwo nigo bagoonchorana obuya bwa Nyasae oito ase okbiserera ogokora kwabo kw’obonyaka naende bagokana omonene oito ore bweka, yore omonene oito Yeso kristo.

Naki abegenwa abange abamatuko aya nigo barigetie korora omroberio bw’okobokigwa gw’enchili okwo abanto abange bagoonchorwa na koba abainjilist.  Naki ase ebitabu ebinge biarikirwe nigo bikoorokia aya, naki amariko a Nyasae amachenu nig akoorokia obomaene bwensi ng’a chingaki nchireo korachekoba ogoonchoreria okonene ase enjli na ase ogokora egasi kw’omoika omochenu ime ase ekanisa eria ere ang’e ase okomoigwera ere kristo Yeso nyuma yokobogorigwa gw’Ekanisa enchenu ya Nyasae.

Korende tende tekeiyio ime y’Ebuku gekoorokia buna emechando teri gochia kobao, gose okoba nerigesa rinene ase chingaki echi chiaito.

Yeso krist agakwana gochia ase abatomwa baye okobora” chingaki echi chiaino nchire nerigesa rinene” sma mathayo 9:37 krende naende akabatebia buna ase amatuko yomoerio, nga obwanchani bw’abange nga bokende ase engencho yokmentekana kw’ebibe.  Mathayo 24:12-naki yeso agakwana buna ase chingaki chi’omoerio nachibe chimbe chitari chingiya, korende Yeso agakwana ogoteba nigo chirabe chingaki chiobong’ainereria chiichire na abaarimu, amabani yoborimo, bong’ainereria, ogosiria naboigo na ebikone biobong’ainereria mbikorekane nonya nkogwenigwa ng’a abarwaire mbagwenigwe.  Mathayo 24:10-25 naki aya namabani yoborimo ygosiria, korende tamanyire buna aya naro agokorekana ase tore amatuko aya.  Naki nonya mbaria bare gati yaito banyarire gkwa emioyo na gotiga kogenderera ka abande emioyo ase esabari engiya yaigoro, naki echi nechingaki chimbe totatakeiri gokwanera igoro yobonda bwaito krende tokwane na kobana igor ykogwa kwa mwanyabanto bwa amatuko aya, erio tonyare koa abande emioyo ykgenderera gikera okobogorigwa gw’ekanisa.

Naki ase egtabu eke egeke gia Yuda” ekio kere ang’e n’omoerio bw’Ebuku ase Emuma enyia nigo kere ase obobani bwa amatuko aya, nigo kegokwanera igoro yobbani bwborimo nonya ime nechikanisa chiakemoika, erio kenyare koerera igoro ya amang’ana ayio onye tetokonyara korigereria buya arache koiyeria ekanisa ya Nyasae.

Abakrist abange banyarire korengereria bobe na komanya ng’a enchili nigo ekorwa isiko gocha ase bare.  Nonya ngorwa ase chinse chiamocha na bosongo nigo chimanyete buna, amang’ana yogotaba nobo’nyasae ime yaito nigo.

Naki ase chinse chinde chi, Abafrica na Asia abakristo abange nigo bakonyora emechando emenene korwa ase chidini chinde chiria chibaonchokanaine, korende nonya nabo ogochandwa okwo kwabakristo tikorakora enchili gotenena, korende eye nero enchera eyemo ase obokristo bwaito kogenderera, ” gose onde taiyo oranyare gotenenia omoika omochenu korwa ase ogotakora emeremo yaye, naki okoragereria na oborogi, bionsi ebio mbosa ase omonene tata.  Naki ase chikanisa chiria chi’eritang’ani nigo chianyorete emechando emenene goika abakoreri babo bakanyara kong’entwe na abande korutwa ase chingoro chi’echisimba na koriegwa bare moyo, naboigo bakanyara gochandwa ase chinchera chionsi korende bakanyora egutwa yabo y’esegi engiya.  Naki emechando emenene nigo ekorwa ase ime ya abakristo abanyene na abarandia babo, korende baria bare isiko nigo bagokora ebinto koba ebikong’u and ebiemechando ase tore, naboigo abarandia boborimo baria bare gati yaito banyara konyora ribaga na gosaria ekanisa, ase okogechia omika omochenu, na gotantania abakristo bari konya babeire ang’e komorigia Nyasae, naboigo barenta emechando ase echili y’Omonene.

Naki okogwa Kwa, bobisi nkore ime yaino, abange baria bare abarandia boborimo tibari kweorokia maiso marore, korende nigo bagokora bobisi ase ogosiria obogima bw’abange goetera ase oborimo bwabo.

Naki abanto abwo tebari gocha ase ekanisa ya Omonene Nyasae ase obotindi gose ase enchera yokobetereria, naboigo tibari gocha na gosoanana kende gionsi, korende nigo bagocha ng’oora na gosoia ebibe ime yekanisa nyuma bamanyekanire na komanywa ase egasi yabo engiya gose embe.

Naki aba nigo bare a pentekote na nigo bare abaebanchilist ase egati yaito, abande nigo bare abasacha na abakungu abwo batabwatie emeremo yokwenyorera endagera gose chibesa, naboigo bakarora buna ase ogosoa ase ekanisa eyio nero erabe enchera eyemo ase okwenyorera chibesa echio ase okoragereria chinka na ase obotumeki bwabo bwabotambe.  Naboigo bakaea okorangerigwa batamanyeti buna bagure korwa ase ensemo y’Omoika, na bageekora koba abarandia na banyara gochakia chikanisa chiabo, na ase ekerenga kiabo ngeria giokwenyorera enchera yokonyora chibesa korwa ase abakristo baria omonene Nyasae arangeirie.  Korende nonya ngoika boniga nao bare gati gati yaito na ime yechikanisa, naboigo nabo bakonmyara gotwara emekutano emenene y’; Egeinchili naboia eyechikanisa na kwanyora abanto babe’egenire.  Ekio nakio gekogera Yuda agokura ogoteba buna nao bare gati yaito, naboigo nao bare ase amabaga yokoegenwa na abakristo, naki abwo nabwo bare abarandi korende nonya nkanisa tabwatie, korende nigo bagokora egasi buya monto atanyare komanya ng’a tibari bakristo na abarandi bekeene.  Naki omonene oito Yeso nigo atagete tomanye aya bosio bw’enchingaki, naboigo kera omotomwa ime ase Emuma enyia akanyara koirorera amang’ana aya.

Abatari n’Obonyasae- Omonto otari n’Obonyasae ning’o? oyo tari omonto ogwekwana buna ere n’Oyomomanyete Nyasae, korende nigo bakwamba kobwekanigwa, abakuhani bechidini chia abakatholiki ekiagera barabwo nigo bakobwatia amabundisho ya Karil Marx kobua kobwatia ay’Eyebuku, naki aba bono nabwo bare omogwekano omuya ase abanto banga buna abwo.

Naki abanto abwo mabria batabwatie ogoonchoreria ase amagima abo, naboigo chingencho chiabo tichiri koorokia kende gionsi igoro yokomoegena omonene oito Nyasae oyio okogambia ekebe.

Naki nigo okonyora bakorandia mamincha y’Ekebungo gete, ekiagera eyio nero ere etabia yabo, korende nigo bagokora boigo ase okogokia ababwatania babo, korende ase amagima abo tebari buna banto bamwoboete Nyasae.  Korende onye ase obomaene tomwegenete Nyasae, naboigo tweegenire buna naroche kera egento ekitogokora  naboigo nao akebegete ase omobaro bwa amaya gose amabe.

Naki abarandia baria bakong’ainereria ase enchera yokorigia chibesa, na gotumekaq chibesa chiekanisa ase chiraha chiabo, ase enchera yogotumeka ekanisa ase okwenyorera kwabo, tiga bamanye buna Nyasae nabwate enchera yokobaa egesusuro, na embwa eye neyogotaba n’Obonyasae.

Goochora amaabera y’Omonene ase okonyora obosibore bwobobe, naki aya nigo agokwanera amange gochia ime mono igoro y’Abakristo barero, naboigo nigo bagokwanera igoro ya amng’ana gete buya kegima ase “ abakristo tibari abachenu, korende nigo baabeire” korende abande barandia nagoteba, “ekero gwatorigwe, igo kwagendereire gotoreka” abwo nekero omonto anyarire gokora ekebe na koira ogosaba gwokwaberwa na bateba buna omonto oyio nabo aragende igoro.  Nigo beegenete buna ebibe biaito nigo biaaberetwe nyuma torabikora, ase igo nigo totoririe neba nasekende gionsi keri togokora, korende tebakomanya ng’a obwo nobosibore bwogosira kare na kare.  Korende neba bamanyete buna obwo nobosibore gochia ase ogosira gwa kare na kare, abange babo nigo bagokana neba obogima bwabo bokororekana boigo, na bore namang’ana ayio onsi.

Naki kera omonto nigo anchete koigwa igoro ya amaabera a’Nyasae na okwaberwa ebibe biaye, korende abande nigo babwate okogania okonene ase okoranderigwa na gochungwa na enchili eyio erabe ekorandigwa, naboigo na abarandia bande baira amachiko abo y’Ekidini koba naro amaabera y’Omonene, nabo igo bagenderera gokora boigo nagoikera bionsi biabekwa maiso marore goetera ase omoika.

Naki abanto banga buna abwo nabwo bakoria chiira gochia ase abande, bakobatebia buna ntokoe obotenengu, obogima abuya, na okogenderera okonene ase enchera yokoimokia amang’ana y’ebuku na koyakora koba enchera yokobang’ainera, korende batiga kobatebia buna “amaabera anyasae nigo are na amachiko aye ase enchera y’okwegena na okoigwera ase omonene Nyasae.  Naki ekero bokorandia ase kera rituko riabo ri’Esabato, nigo bagoteba buna Nyasae nigo agosesenia na gotenenkia oria ore aiga ase ekanisa, kobua gokwana igoro yokwebeka ang’e na ase obosio bwa’Nyasae, korende banyara kobeka oborimo na goteba buna mwanyabato nabo akomenya neba ore ase ebibe, naboigo nabo akonyara konyora korwa ase nyasae ase enchera yobonge bwaye, korende tebamanyetie buna eye nenchera yekeen gochia ase ogosira gwa kare na kare, na boigo baonchora amaabera y’Omonene Nyasae koba obosibore ase okogenderera ime y’Ebibe.

Naki intwe twamwangire Yeso Kristo oyio ore omonene oito. Korende naki bamwaangire Yeso Kristo oyio ore omonene oito, naende oyio ere ore omogwenia, na omorwa oito, naki nigo banchete gotera amatera ase okomotogia yeso buna ere nomorwa obo, na omotoria obo naboigo na omobui obo, korende tebanya gocha ang’e ase okomomanya buna ere nomobui obionsi.  Naki oyio nere omogambi oito na omonene oito, naki intwe nabasomba baye tore amo na enibo yaito yonsi.

Naki omogambi gose oyobwate okobua nabwange chinguru chiogokora eki aganetie, naboigo naintwe buna abakristo ntobwate okobua kwokomoterera Nyasae na komotogia ere, korende ekero togokora ayio onsi ngomoboria tore aya totakeire gokora? Naboigo komoboria omonene Nyasae ayatotakeire gokora ekero tore nemechando? Naki onye kobwate okobua igoro yomobere oo, naki igo yeso tari nokobua igo yao, ekiagera nigo ogokora ayare ayokogania kwao, ekiagera nigo okomobetereri gokora ase ogosanga obonene bwaye amo naye.

Naki omonene nabwate erieta rinde rigochererana, erio rire ase omonwa bwekegriki-“Omonene” gose omosomba bwa abande” bono nigo totakeire kweboria iga, nigo tomenyete obogima bwokomwanga Yeso kristo ere buna omonene oito? Gose nigo tomenyete ase okomogokia gose ase okomogechia ere?

Naki intwe tetorie gokwana buna yeso tari omogwenia oito, gose tari omotoria na omorendi oito, naki ebinto ebi bionsi nebi’obomaene, naki obobe bweka imbori buna abang’ainereria mabareo abwo Yuda agokurera na mbare nokomanya okwo, naboigo barandia amang’ana ayio, korende batiga gokwanera igoro ya Yeso buna omonene obo, naboigo ere buna omonene ase abanto baye.

Naki obobe nobwabo! Abwo bairire chinchera chia Kaini…” nchera ki ya Kaini?” eye nigo ekoorokia orogendo rwa Kaini gochia ase obosiru, orocherere rwe ching’endo chiaye” naki Kaini tare korwa ebing’wanso ebichenu gochia ase Nyasae, korende akarwa ebiarende mamincha yokogania kwa Nyasae.  Naboigo nonya na bakristo ba amatuko aya nigo bakorwa kende gionsi keria baganetie babuga ng’a omonene Nyasae nagiancherane, ase enchera yogotenga, na goseka, na ase ogoaka chingobi naboigo nonya nase ebieegwa aoao, ekiagera ebio nabio ebinto batagete korwa gochia ase Nyasae.  , tebabwatie okogania gwokomanya eki Nyasae aganetie kobaa goetera ase okoigwa ring’ana riaye.

Eriakabere” Kaini tare korwa buna abare are korwa ekagera Nyasae agaancherana nokorwa kwaye.  Naki chinchera buna echio nachio nonya na abarai na abarandia abange bagotumeka ase okobaseria abanto baria bare nokomanya na okomanorerwa kwe’ring’ana ria Nyasae korwa ase chikanisa chiabo, ekiagera kobagokwana ayare boronge tari kobachia ase amato abo.

Korende nonya nigo Kaini agaita momura omwabo Abeli asengencho yendamwamu, kobua kogwa inse ase obosio bwa omonene Nyasae erinde amororere amabebe.

Naki baminyokeire ase okonyora na kogwa ase amaboko na emechando ya‘Abalamu. Emechando ya Balaamu nereri yarenge? Naki balaamu nigo are kobana ase okoegwa chibesa, ase chingaki chiria omoruoti omoabu amoireta na komogora erinde anyare kobana mamincha na koragereria Egesaku gia’Israeli.  Korende omonene akamotebia Balaamu tagenda, ekiagera teyarenge okogania kwa Nyasae koragereria Egesaku gia’Israeli.  Omobaro 22:7-12 Erio omoruoti akarwa ekeegwa kende ase chibesa, erio balaamu akairana naende gochia ase omonene ore nokorengereria buna omonene Nyasae nanyare goonchora ebirengererio biaye.  Omobaro 22:15-20-naki-okorengereria-kwaye nigo kware anyore chibesa goetera ase okorandia kwaye, korende eyio ekaba okogechia okonene gochia ase omonene oito Nyasae.

Naki omonene akamwanchera agende kore akaba ore nendamwamu enene igoro yaye akagania komoita.  Omobaro 22:22-23 naki twamanyire buna inaki omogano oyio ore na ase okorerete, omonene Nyasae tamoete chinguru chiokobana mamincha ya Israeli, omobaro 23:24, korende omonene Nyasae agakwana na omoruoti akamochika gotoma abakungu gochia Israeli erio banyare gosangereria abasacha boonsi na gosoa ase obonyaka ime.  Okomanoka 2:14, omobaro 31:16 naki ayio akarenta okoragereria okonene korwa ase Nyasae, naki Balaamu tachiete gotwara bwoba ere akagenderera korosia chibesa chinyinge korwa ase emeremo yobobani bwaye, eyio yabeire emechando emenene ime yechikanisa chiarero,

Naki basirigwe ime ase obosiereria bwa korah! Naki korah nigo arenge omonto korwa ase egesaku ekemo gia Musa na Aruni, na ere oyo korah akanyara goonchorana na kogania koba na chinguru buna echiabo, ase ogokwana kwaye buna Omonene Nyasae nigo agokwana gochia ase kera omonto.  Omobaro 16:3  naki korah agakana eki kiarenge ekerenga ekenyene ki’omobere, aria ase Nyasae are korwa omoika oyomo na  na okomanorerwa okomo gochia ase abanto bande goetania Musa na Aruni.

Naki ase okomoanga Musa, omonene Nyasae agakwana buna bamwangire ere, naki oyo nomogano bwogokumia na okogosia mono nonya nase amang’ana tpokorora ang’e nase tore amatuko aya.  Abanto abange nigo bagoteba na kobana obrimo bagoteba omonene Nyasae obatebiria korende ayio are ayokogania kwabo abanyene.  .

Naki omonene Nyasae nigo aganetie intwe tomanye emechando ere amo naintwe goetera ase omoika, eyio ere nekerenga kiogotagora ekanisa yaye, naki amariko nigo akoorokia ayakwanetwe ase amatuko aetire na gotokurera ase okoba ang’e na emechando buna eyio.

ENSEMO ENTANG’ANI IGORO Y’OBANI BWOBORIMO PT1 was translated from What is the Great Apostasy? The Falling Away in Our Times- Jude 1:4