Zabuli 23:4- “Nobundiraba omukihanga ky’Ekituuru Ky’Okufa, tinditiina kabi koona, habwokuba oli hamu nanye; oruga rwawe n’omwigo nibyo birampumuzaaga….”

“Nobundiraba….”-Endagaano Empyaka ekozesa “kurubata” rundi “kuraba” okusoborra omulingo ogutwikaramu aheru y’Okwikiriza kwaitu omu Kristo Yesu. “Baitu kakuba turubatira omuyererezi rundi mumusana, nkoku uwe ali Musana, twine okuteraana hamu itwenka na’itwenka, n’Esagama ya Yesu, Omwana wa Ruhanga, etwereza kimu hali ekibi kyona.” (I Yohana 1:7) “Ogu anyakugamba ngu ali omumukama waitu nasemerra kurubata nka Mukama waitu Yesu oku yakozire.” (I Yohana 2:6; soma handi I Yohana1:4-6; 3 Yohana 1:3-4; Abakolosayi 3:7). Yesu nuwe Muhanda (Yohana14:6), n’orugendo rwaitu nirusemerra kuba ruli mumuhanda gunu (ogu Yesu) kututahya mubwomezi obutahwaho. Obundi n’obundi orugendo rwaitu orw’Omwoyo ruturabya mukugumanganirwa obundi tuba tulihaihi kulemererwa. Okurubata kwaitu tikworobere, tukkuli kusemererwa kwonka rundi businge bwonka.

“Ekihanga ky’Ekituuru ky’Okufa” tukyetegereza tuta? Ekituuru nikimanyisa obwire bunu obuturumu obw’Omwirima nambere tuli tulindirire Mukama waitu kututwara omubwomezi obutahwaho (Soma Matayo 4:16; Yohana 1:5; 12:46; Abarumi 13:12; Abefeso 5:8-11; Abakolosayo 1:13; 1 Petero 2:9). “ensi yoona eri hansi y’Obulemi bw’Omubi Sitani.” (1Yohana 5:19) “Tinditina kabi koona”-aba Kristayo abaingi nibatiina amani ag’Obukama bw’Omwirima, beralikirire oburogo omubikaro byabu eby’Obwebembezi bitabarugaho. Baibuli netwoleka busimba ngu Obutiini nebirusisana nkebi tibiruga hali Ruhanga.

“….Habwokuba oli nanye.” –Gunu nugwo omurago gwa Ruhanga hali abo boona abanyakumwesiga omubyahandikirwe (Baibuli). “Kandi ndaikaraga nainywe okuhikya obusinge bunu obubulikahwaho”. (Matayo 28:20; soma Zabuli 139:1-10). Imanweri,” limu hamabara ga Yesu Kristo ag’Obunabi nirimanyisa ngu “Ruhanga ali naitwe.” (soma isaya 7:14; Matayo1:23) ekigambo “kuba nanyowe” nikimanyisaki? Ruhanga ali honahona kandi hamu n’abantu boona omubwire bumu. Hanu nikimanyisa okubaho kwa Ruhanga hali abairube abesigwa, entama ez’Omwiganalye. Ruhanga aikiriza okubahokwe omubantube banmanye ngu bali nawe, kandi ahuliriza buli kyetaago kyabuli muntuwe nk’Omulisa nkoku arolerra entamaze rundi iganalye.

“….Omwigo n’Oruga rwawe birampumuzaaga” eki nikimanyisaki? Oruga rw’Omuliisa rukora nka omwigo kw’Okuhabura (kulinda entaama kuruga omwisibiko rundi kusiisa ebintu by’Abandi). Yesu akagamba “Abo abange ngonza mbacomera kandi mbahana.” (Okusukururwa 3:19). Aba Kristayo abaingi batekereza ngu okuhana kwa Yesu kuhakaniza okugonzakwe n’obuhulizibwe-baitu nibebwa ngu okuhanakwe kiri kikorwa ky’Engonzi kutulinda kutagwa omubutandu abwakabi akaingi. (Soma Enfumo 3:11-12; Abaheburaniya 12:5-6). Nkoku omuhandiiki w’Abaheburaniya ahandiika ati “Ogumisirize nk’Engeso; Ruhanga nakutwara nk’Abaana. Mwaanaki ogu atahanibwa ise? Obworaba otahanwa (kandi buli mwaana weena aine kuhanwa), iwe oli kitwekano, toil mwaana w’Omuka yaitu eya Ruhanga. Kandi haroho abazaire baitu abomunsi abatuhanire kyonka obutwakuzire tubasiima habweki. Kandi kiriba kita hali ogu Ise emyoyo yaitu hamu n’Obwomezi bwaitu. Abazaire baitu bakatuhana omukanya akake nkoku batekerize kisemiire; baitu Ruhanga atuhana habw’Oburungi nukwo tubagane ha kuhikirrakwe n’Oburukwerabwe omubukamabwe. Busaho kuhanwa kwoona okutabamu busaabi. Hanyuma yabyoona kuzaara amagesa g’Okuhikirra n’Obusinge hali abo ababa begesibwe okuhanwa oku”. (Abaheburaniya 12:7-11).

Omwigo gw’Omuliisa gutaho obulinzi, eky’Okurwanisa hali ebisoro by’Omukisaka ebirumba igana. Hakumalirra, kokurorraho kokutanga-igana lyega kumanyirra omwigo gw’Omuliisa kiziretera kwikara haihi n’Omuliisa wazo, kandi kiziyamba kuhondera omuliisa wazo. Kuraba mu Mwoyo Arukwera, Yesu atuhana kandi atuhabura nk’Omuliisa nkoku akozesa omwigogwe kutanga entaama uraba omukahanda akafunzire obu nizirubatira hamu nki’Igana. Ekigendererwa ky’Omwoyo Arukwera nukwo kutulindira mu kugonza kwa Ruhanga kandi n’Omumulimogwe ogw’Okujunwa. Twine obulinzi bwa Ruhanga obw’Omwoyo obutwikara omukugonzakwe. Hansi yobwebembezi bw’Omwoyo Arukwera. Kinu kitulinda hali obusali bw’Omubi obutwizira.

Orukarra “Ansesaho amagita hamutwe; ekikompe kyange nikigererra”? (Zabuli 23:5) kinu nikimanyisa okubatizibwa kw’Omwoyo Arukwera, kimu hamigisa Yesu atuha.

“Ndaikaraga omunju ya Mukama ebiro byona eby’Obwomezi bwange”-Obutahwaho bwaitu Abamwikiriza.

Translated from Though I Walk Through the Valley – Psalm 23:4