Hakha Chin

Khrihfabu Hmasa Hna Zei Ruangahdah an Karh

Why Did The Early Church Grow? (Twelve Reasons)

Kolosia 1:6 – “Thawngtha nih hin Pathian vel nan theih ka te le cucu zeidah a si taktak ti nan hngalh ri in nan chungah rian a tuan bantuk khan, vawlei cung dihlak zongah a karh i thluachuahnak kha a pek hna. “

continue

Biathlam Chungah Cakhenh Pa Sarih Hna

What Are The Seven Seals in Revelation? (Brief Overview)

Biathlam 5:1;6; 8:1-2

“Bawithutdan cung i a thu mi nih cun cazual pakhat cu a orhlei kut in aa put kha ka hmuh i cu cazual cu a chunglei he a lenglei he aa tial dih i cakhenh pa sarih in an khenh chih. “

Biathlam cauk chungah cakhenh pa sarih kha a tawinak in kan zoh lai.

continue

KAN PUAN THAR HNA- Zakariah 3:1-7

OUR NEW GARMENTS – Zechariah 3:1-7

“Cun BAWIPA  vancung hmai i a dirmi Tlangbawi ngan Joshua le amah cu sualphawt awkah a orhlei kam in a dirhnawhtu Satan kha ka hmuh. BAWIPA  nih Satan cu a thawh i “Satan, nangmah cu BAWIPA nih kan sik, Jerusalem khua thimtu BAWIPA  nih kan sik. Hi mipa hi meichungin chuah mi mei thingthu a si lo maw?

” Joshua cu vancung mi hmai i a dir ah khan  a thurhnawmmi thilpuan aa hruk; cun vancung mi cu aa mer i a tuammuai tu hna kha, ” A thilpuan a thurhnawm mi kha phoih u,” tiah a ti. Cun a mer i amah cu a thawh i, “Zei tindah na sualnak kan lak piak cang kha zohhmanh, nangamh cu thilpuan tha in kan thuamh, tiah a ti.Cu aa thawh than i a lu Lupawng thian ponhu, tiah a ti.  Cu caah Bawipa vancungmi a dir ko lio ah cun a lu ah lupawng thiang kha an ponh i thilpuan thiangkha an hruk ter. Cun Bawipa vancung mi nih hi bia kha a pek: ” Mah hi hi ralkap bu Bawipa bia a si. Ka lam kha na zulh hna i ka rian kha na tuan hna ah cun, ka inn chungah khuakhang laireltu na si lai i ka biaceihnak inn hna cu na uk hna lai, cun hi ka i rian a tuantu hna lak ah hin luhnak nawl le chuahnak nawl na ngei lai.”

continue

Micah 5:7 - “Israel mi chungin a tangmi hna cu, BAWIPA sin in a rak tlami dap le ram hring cung i a rung surmi ruahpi bantuk an si lai; An nih cun minung kha i bochan loin Pathian kha an i bochan lai”

A ngan pa nga nak ah hin Micah cauk chungah khuaruahhar awk ngai a si mi pakhat aa tel. A hme pa hnih nak ah Messiah Bethlehem Ephrathan khua ah rak chuah lai nak kong a rak chim chung, cu ka hmun te ahcun Bawipa Jesuh cu a rak chuak tak tak ve, Micah nih biaphuan a rak chim kum 800 hnu hrawng ah a rak si lai.  A hme pa li nak nih Messiah cu Tuu congtu a rak si lai nak kong a rak chim i cu zong cu a rak si taktak ko.

continue

Bawipa Ni Cu A nai Cang caah Lianngan Bik Bawipa Hmai ahcun Daite In Um

(Be Silent Before the Sovereign Lord, For The Day of The Lord Is Near)

Zephaniah 1:7 – “Bawipa ni cu a nai caah Bawipa hmai ah dai tein um u! Bawipa nih raithawinan cu a timh cang i a sawm mi hna cu a thian ter cang hna”.

Judah ram (Thlanglei Israel) a rak rawh lainak kong kha Zephaniah cun a rak cim chung cang i B.C 586 ah a rak tling taktak, a si nain profet a chim chungmi a tam deuh cu Ni dangnak ah bia cehinak he a pehtlai mi an si.Hi cauk hi zumtu hna kan caah rel awk tlak ngaingai mi cauk a si.

continue

Thil Thalo A Tuahmi Poah Nih Pathian Kha An Hmu Lo (Hakha Chin – Anyone Who Does What is Evil, 3 John 1)

3John 1:11 –  ”Ka dawtmi ka hawi, a tha lomi nawl cu i cawn hlah, a tha nawl tu i cawn ko. Thil tha a tuahmi paoh cu Pathian mi an si, thil thalo a tuahmi paoh nihcun Pathian kha an hmu lo.”

Thiltha tuahnak in khamhnak kha kan hmuhmi a si lo, tiah kan Baibal nih fiang tein a ka chimh (Efesa 2:5-9), cun khamh a si mi hna cu an nun can an ziaza a thleng ti zong a kan chimh fawn.  Khamhnak a hmu taktak mi hna nih cun nunthian hlimnak nun an ngei.

continue

DAWTNAK CU AA PORHLAW LO

LOVE DOES NOT BOAST

1Korin 13:4, “Dawtnak cu thlaciat a ruat i mi cungah zaangfahnak a ngei.  Dawtnak cu a nah a chuak lo, a lung a puam lo i aa porhlaw lo.”

Pathian cu dawtnak a si.  Dawtnak cu thlarau laksawng hna a si mi, khuaruah harthil tuah khawhnak te hna, bu doctrine le ruahchannak (Pathian nih hi vialte hna hi Khrihfabu dih lak nih ngei dih hna seh, ti cu a duh mi a si ko)  nakin a biapi deuh, tiah Baibal nih a kan chimh.   Dawtnak cu zumhnak nak hmanh in a ngan deuh tiah Baibal nih a kan chimh.

(1Korin 13:13).  Dawtnak cu aa porhlaw lo.  Porhlawtnak cu mi cungah dawtnak kan tuah duh ah cun don khantu a si i cun kan chungah a um mi Jesuh he zong aa rem mi a si lo.

continue

Inn ah Va Tlung Law, Na Chung le kha Va Chim Hna (Go Home and Tell Your Family)

“Inn tu ah va tlung law Bawipa nih zeizat remruam dah na ca i a tuah mi le zeitluk in dah an zaangfah kha, na chungle kha va chim deuh hna.  ” Mark 5:19

Hi pa nih Bawipa Jesuh sin in khamhnak a hmuhnak kong, cun khamhnak a hmuhnak kong cu a chung le sin ah a rianran khawhnak chungin va chim hna tiah a fial nak kong hi tuanbia nih hin a kan chimh.  HI pa hi Jordan tiva nih chuah lei ah a um mi Gadarene a si lo ah Khuachia nih tuahtamh mi khua, ah a um mi hi a si i hi hmun hrawnghrang vialte hi hi pa nih cun a hngalh dih.  A tu ahcun Jordan tiva kha hrawnghrang kha Jerash tiah an ti cang i, Garasenes ti mi bia fang in an lak chin mi a si.  Hi pa hi khuachia nih a luh hnawh mi a si i hi khua pawng kam hin vahvaih lawng a rak rian mi a si.  Bawipa Jesuh nih hi pa chungah a ummi khuachia kha nawl a pek i a thawl piak.

continue

NINGZAK LO LE RALTHA TEIN

CONFIDENT AND UNSHAMED

1John 2:28-29, ” A si ka fa le hna, amah chungah cun um ko u, nan um ahcun amah a hunh langh tikah ralthatnak in nan khat lai i  a rat Ni ah khan ningzak in i thuh nan herh lai lo.  Khrih cu a ding ti kha nan hngalh; cucaah a hmaan mi thil a tuah mi poah cu Pathian fa an si ti kha nan hngalh awk a si. “

Khamhnak hi voikhat ca lawngah a si rua, tiah mi tampi nih cun an ruah.  An hrinthat lio can ca lawngah an ruah.  A si nain hi ka zawn cang nih cun kuapi in a van chim, khamhnak hi pehzulh thluahmah in a um mi a si.  Zungzal nunnak ram kan phak tiang kan nun chung dihlak caah a si.

continue

Dawtnak Cu Mah Zawnruahnak A Si Lo

1Korin 13:5 - Dawtnak cu tla bulbal in khua a sa lo i amah zawn lawng aa ruat lo; a thin a tawi lo, palhnak kha aa cinken peng lo.”

Dawtnak cu amah zawn lawng aa raut lo.  1Korin 13, nak ah dawtnak kong a chim tikah mah zawn lawng ruahnak ngei lo tein a um kho mi dawtnak hi a hmaan mi dawtnak (aga pe dawt) kan ti lengmang mi cu a si. Zei ruatrat lo in mi hrut bantuk in nu ngak tlangval i dawtnak hna i cu mah zawn lawngruahnak he a khat mi dawtnak a si i duhnak ti mi he aa dannak a um lo. Hawikawm dawtnak le tlaihchannak dawt nak hna hi can khat caah cun thatnak zong a um i mi zong a lawmhter khaw ve,  a si nain hi bantuk dawtnak hi ruahchannak ngei dawtnak a si  i mi tha lo mi hna hmanh nih hawikawm cu an ngei ve ko (Matthai 5:46-48). Cun miphun le ram le khaumi hna dawtnak hna zong hi mah lungkal hoih le lungputnak nak nih a chuahpi mi dawtnak an si ko. Miphun dawtnak kan ti mi zong hi kan mah bantuk thinlung put a ngei mi cung lawngah i dawt khawh a si i kan mah ruahnak bantuk a ngei ve lo mi cung ah cun dawtnak cu a um kho lo.  Khrih dawtnak a si lo mi poahpoah dawtnak hna, mi conglawmhnak le mi thangthatnak vialte hna hi mah zawnruahnak lawngte an si ko.

continue